بلوچستان کے علاقے قلات میں کلی کوئنگ کے مکینوں نے بجلی کی غیر اعلانیہ لوڈشیڈنگ و بار بار ٹرپنگ کے خلاف شال ،گوادر کراچی شاہراہ پررکاوٹیں کھڑی کرکے روڈ کو ہر قسم کے ٹریفک کیلئے بند کرکے دھرنا دے دیا ۔
دھرنے میں خواتین و بچے بھی شامل شریک تھیں ۔
مظاہرین کا کہنا ہے کہ واپڈا حکام کی جانب سے بجلی کی بار بار ٹرپنگ سے برقی آلات جلنے لگیں جبکہ صارفین ذہنی مریض بن چکے ہیں ۔
آخر میں انتظامیہ و واپڈا حکام کی جانب سے مذاکرات کے بعد مظاہرین نے دھرنا ختم کردیا اور پر امن طور پر مظاہرین منتشر ہوگئے ۔