واشنگٹن : امریکی صدر جو بائیڈن نے ڈیموکریٹک کانگریشنل کیمپین کمیٹی سے خطاب میں پاکستان کو خطرناک ترین ملک قرار دے دیا۔
صدر جو بائیڈن کا کہنا تھا کہ پاکستان دنیا کے خطرناک ترین جوہری ممالک میں سے ایک ہے۔
انھوں نے کہاکہ پاکستان کے جوہری ہتھیار میں کوئی باضابطگی اور ہم آہنگی نہیں۔
امریکی صدر کا کہنا تھا کہ چینی صدر کو معلوم ہے کہ انہیں کیا چاہیے لیکن ان کے ساتھ بے شمار مسائل ہیں۔ روس میں کیا ہورہا ہے اور دنیا کے خطرناک جوہری ممالک میں سے ایک پاکستان میں کیا ہورہا ہے اور امریکا کو کس طرح اس سب کو دیکھنا اور ہینڈل کرنا ہے یہ اہم ہے۔
امریکی صدر نے کہا کہ بہت کچھ ہورہا ہے لیکن اس میں امریکا کے لیے مواقع بھی ہیں کہ وہ صورتحال کو تبدیل کرسکے۔
آپ کو علم ہے امریکہ کے سابق وزیر دفاع جیمز میٹس نے بھی اس سے قبل پاکستان کو "دنیا کا خطرناک ترین ملک" قرار دیا تھا ۔
جیمز میٹس کی حال ہی میں شائع ہونے والی کتاب "کال سائن کیوس" میں انہوں نے پاکستان کے معاشرے میں بنیاد پرستی، جوہری ہتھیاروں میں اضافے سمیت مختلف امور کا ذکر کیا ہے۔
