بلوچستان کے ضلع لورالائی میں طالب علم کے قتل کے خلاف مختلف اسکولوں کے طلباء کا احتجاج طلباء نے لورالائی کی مختلف سڑکوں پر مارچ کرتے ہوئے قاتلوں کی گرفتاری کا مطالبہ کیا۔
احتجاجی ریلی دوران طلباء نے اپنے ہاتھوں میں پلے کارڈز اور بینرز اٹھا رکھے تھے جن پر طالب علم کی قتل کے خلاف نعرے درج تھے۔
اس موقع پر مظاہرین نے انتظامیہ کے خلاف شدید نعرہ بازی کی۔ مظاہرین کا کہنا تھا پولیس واقعہ کے ذمہ داروں کو گرفتار کرنے میں ناکام رہی ہے۔
واقعہ کے خلاف لورالائی شہر میں گذشتہ دو دن سے دکانیں بند رہیں ۔ اور طالب علم اسرار خان کے قتل کے خلاف سیاسی جماعتوں نے ہڑتال کی کال دی تھی۔
یاد رہے گذشتہ دنوں لورالائی میں طالب علم کے قتل کا واقعہ پیش آیا تھا-
واقعہ میں قتل ہونے طالب علم کے خاندانی ذرائع کے مطابق ملزمان نے اس دؤران چار طالب علموں کو یرغمال بنایا تھا اور مزاحمت کرنے پر ملزمان نے ان پر فائرنگ کردی جس اسرار نامی طالب علم قتل جبکہ اسکے دیگر تین ساتھی زخمی ہوئے ہیں-
