قلات: دستی بم پھٹنے سے ایک شخص ہلاک، خاران میں ڈیتھ اسکوائڈ کارندہ ھلاک

قلات کے علاقے منگچر میں مبینہ طور پر نصیب اللہ ولد غلام محمد کے ہاتھ میں موجود دستی بم پھٹ گیا جس سے وہ موقع پر ہلاک ہوگئے- ذرائع کے مطابق دھماکہ حادثاتی طور پر ہوا ہے جبکہ دھماکے میں ہلاک ہونے والے شخص کا دماغی توازن ٹھیک نہیں تھا- دھماکے سے جائے وقوعہ پر موجود دیگر دو افراد نیاز اللہ ولد محمدعمر اور مجیب الرحمٰن ولد عبدالرازق معمولی زخمی ہوگئے ہیں ۔ انتظامیہ نے جائے وقوعہ پر پہنچ کر دھماکے میں جانبحق اور زخمیوں کو اسپتال منتقل کردیا ہے، واقعہ کی مزید تحقیقات پولیس کررہی ہے- ادھر خاران سے اطلاعات ہیں مسلح افراد نے فائرنگ کرکے بیگ محمد ولد ٹکری بشام نامی شخص کو ہلاک کردیا اور جائے وقوعہ سے فرار ہوگئے- علاقائی ذرائع کے مطابق مذکورہ شخص سرکاری حمایت یافتہ گروہ سے تعلق رکھتا تھا۔