چاغی ،ژوب ،مستونگ اور نصیر آباد فائرنگ روڈ حادثہ ،اور ہیضہ سے پانچ افراد ھلاک ،درجنوں متاثر

منگچر ، چاغی، نصیر آباد ، ژوب، مستونگ ( مانیٹرنگ ڈیسک + ویب ڈیسک ) آج ڈیڑھ بجے دن کلی مینگل آباد نزد جوہان کراس بازار خالق آباد منگچر نامعلوم افراد کی فائرنگ سے میرجان ولد نور جان قوم جتک سکنہ گزگ جان بحق جبکہ حسین خان ولد میر خان قوم پندرانی سکنہ گزگ شدید زخمی ہوگئے ملزمان فرار ہونے میں کامیاب ہوگئے زخمی اور نعش کو لیویز فورس نے ہسپتال منتقل کردیا مزید تفتیش مقامی انتظامیہ کررہی ہے۔ چاغی کے علاقے گردی جنگل روڈ پر فیلڈر گاڑی الٹنے سے ایک شخص جاں بحق، خواتین اور مرد سمیت دو افراد شدید زخمی ہوگئے۔ لیویز ذرائع کے مطابق گردی جنگل روڈ پر فیلڈر گاڑی تیز رفتاری کی سبب الٹ گئی ایک شخص جاں بحق دو زخمی ہوگئے۔ نصیر آباد کے علاقے پولیس تھانہ منگولی کی حدود میں ایک شخص نصیر احمد کو مسلح افراد نے فائرنگ کر کے زخمی کردیا جبکہ قیدی شاخ کے گوٹھ سونا خان کے قریب نامعلوم افراد نے فائرنگ کر کے ایک شخص غلام نبی کو قتل کر دیا ، جبکہ فائرنگ سے سات سالہ بچی فرازنہ شدید زخمی ہو گئی، نعش اور زخمی کو فوری طور سول ہسپتال ڈیرہ مراد جمالی منتقل کر دیا گیا وجہ معلوم نہیں ہو سکی ہے مزید کارروائی پولیس کر رہی ہے ژوب گستوئی بارڈر مندوخیل میں ہیضے کی وبا، 2خواتین جاں بحق، درجنوں لوگ متاثر کئی افراد گستوئی سے براستہ قمرالدین روڈ منزکئی شغالو سے ژوب سول ہسپتال پہنچائے،گستوئی بہلول روڈ کی بندش ہونے کی وجہ سے یونین کونسل گستوئی کے عوام کو سخت مشکلات کا سامناہے،ایک طرف بارشوں سے بہت سے مالی نقصانات ہوئی ہیں اور ہیضے نے لوگوں کی مشکلات میں بہت اضافہ کردیا ہے۔ مستونگ کلی گلقنڈ میں نامعلوم موٹرسائیکل سوار افراد کی فائرنگ سے بی سی اہلکار احمدخان معمولی زخمی ہوگئے، جبکہ مسلح افراد موقع سے فرار ہوگئے، جنہیں فوری طور پر ہسپتال پہنچا دیا گیا