جبری لاپتہ افراد شہدا کے بھوک ہڑتالی کیمپ کو 4766 دن مکمل ، بزرگ سیاستدان بی ایس او کے سابقہ چیئرمین مہیم خان بلوچ نے اظہار یکجہتی کی

شال :بلوچ جبری لاپتہ افراد شہدا کے بھوک ہڑتالی کیمپ کو 4766 دن ہوگئے۔ اظہار یکجتی کرنے والوں بلوچ قوم پرست سیاست دان اور بی ایس او کے سابق چیئرمین مہیم خان بلوچ، نوشکی سے لاپتہ نصیب اللہ بادینی اور دیگر لاپتہ افراد کے لواحقین نے کیمپ آکر اظہار یکجتی کی ۔ اس موقع پر وی بی ایم کے وائس چیئرمین ماما قدیر بلوچ نے مخاطب ہو کر کہا کہ بلوچستان میں نہتے شہریوں طلباء سیاسی ورکروں کے ساتھ ساتھ سیاسی ورکروں اور لیڈروں کو بھی نشانہ بنانا شروع کیا، جو جبری لاپتہ افراد کے لواحقین کے ہمدرد اور خیرخواہ تھے ۔پاکستانی فورسز نے ہزاروں کی تعداد میں بلوچوں کو اُٹھا کر جبری لاپتہ کیا ۔ جن میں بچے خواتین شامل ہیں ۔ہزاروں کے تعداد میں جبری لاپتہ افراد کی گولیوں سے چھلنی مسخ شدہ لاشیں بلوچستان کے مختلف علاقوں اور ویرانوں میں پھینکی گئی ۔ انھوں نے کہاکہ پاکستان کے تمام ادارے خواہ وہ میڈیا ہو عدلیہ یا پارلمینٹ سب کے سب اس پاکستانی فوج خفیہ اداروں کے حواری ہیں ۔جنہوں نے بلوچ قوم کو مکمل ایک دشمن قوم کی حیثیت سے ظاہر کیا ہوا ہے ۔ پاکستانی پارلمینٹ عدلیہ اور دنیا بھر کے ادارے دیگر تنظیموں اور عالمی برادری کو ان ناجائز جبری گرفتاریوں بلوچ پر امن جہدوجہد کے خلاف گمراہ کررہے ۔ ہزاروں بلوچ پاکستانی خفیہ اداروں کے ٹارچر سیلوں میں قید بند کی صعوبتیں سہہ رہی ہیں ۔ ماما نے کہاکہ پاکستانی فوج مہذب دنیا سے اپنے جرم کو چھپا نے کے لیے مختلف قسم کے حیلہ سازی دھوکہ دہی کا سہارا لے رہی ہے ۔ اور حقیقت یہ ہے کہ بلوچ گمشدہ نہیں ہیں ۔ بلکہ پاکستانی فورسز خفیہ اداروں کے حراست میں ہیں ۔ جو بالکل دہشت گرد نہیں بلکہ جنگی قیدی ہیں ۔ انھوں نے کہاکہ 2000 سے لیکر اب تک پاکستانی فورسز نے کئ بلوچ دانشور سیاسی ورکرز رہنماوں کو شہید کیا ۔ پاکستانی فوج کس طرح اپنی بربریت اور جرم کو چھپا سکتا ہے ۔ جو اس نے بلوچ پر ڈھایا ہے ۔ یہ حقیقت ہے کہ بلوچ اپنی بقاء کے لیے قواعد ضوابط کے مطابق ہی لڑی جارہی ہے ۔پاکستانی فورسز نے کئ بلوچوں کو دہشت گرد قرار دینے کی کوششوں میں لگے ہوئے ہیں ۔ پاکستان بلوچوں کے خلاف دنیا کی امداد کو استعمال میں لارہے ہیں ۔ انھوں نے کہاکہ اب عالمی برادری کو اپنی آنکھیں کھولنی چاہیں اور بلوچ مسلے کو جانچا چاہیے ۔ریاست پاکستان نہ صرف اس خطے کے لیے ایک سیکورٹی رسک ہے ۔ بلکہ پوری دنیا کے لیے خطرہ ہے ۔ قدیر بلوچ نے کہاکہ ہم اقوام متحدہ سے اپیل کرتے ہیں کہ وہ بلوچ جبری لاپتہ افراد کے معاملے کی تہ تک پہنچ کر بین الاقوامی قوانین کے مطابق ان خاندانوں سے اصل حقائق و ڈیٹا جمع کریں ۔جو متاثر ہیں تاکہ ان کے پیاروں تک رسائی ملے۔