پاکستانی لشکر ءَ چہ کراچی ءَ یک ورنایے آوار جتگ ءُ بیگواہ کتگ-
گیشیں ھالانی رِد ءَ کراچی ءَ گوستگیں شپ ءِ ادار چار ءَ لیاری ءِ ھند گلام شاہ لین کْوھنیں کمار واڑ ءَ پاکستانی لشکر ءُ چیریں ادارھانی کارندھاں یک ورنایے راشد ء تاج بکش چہ آئی گس ءِ نزیک ءَ آوار جنگ ءَ پد بیگواہ کرتگ-
اِھوالکارانی رِد ءَ آوار جنگ ءِ وھد ءَ آدگہ سیاہ ءُ اسپیت ایں گاڑیاں ھواری ءَ رینجر ءِ سے گاڑی گوں بیتگ۔ راشد ءِ بیگواھی ءَ پد آئی کھول ءَ پولیس گس ءَ ارزی نبیستگ، بلے انگت آئی ءِ ھچ وڑیں ھال نیست -
