بلوچ اسٹوڈنٹس ایکشن کمیٹی نا بنجائی ترجمان تینا شینک کروک بیان ئٹی لسبیلہ یونیورسٹی نا مسن تا ہاسٹل نا وارڈن نا کنڈ آن بساک اوتھل زون نا وائس پریزیڈنٹ حمیدہ بلوچ ءِ ہراساں کننگ نا سخت لوز آ تیٹ مذمت کریسہ پارے کہ ہاسٹل وارڈن میڈم لطیفہ نا کنڈ آن زونل ذمہ وار حمیدہ بلوچ تون اوار ایلو خوانندہ آک ہراسمنٹ نا شکار مننگ ءُ ہرا نا سوب آن خوانندہ آک زہنی ڈکھیائی نا گواچی ءُ ۔
اونا پاننگ ئس کہ وارڈن نا ناروائی آن خوانندہ آک بیم و خُلیس و ذہنی دباؤ نا گواچی ءُ و مسن تا ہاسٹل ٹی خوانندہ آتے اسہ وڑ بے اخلاقی و تعصبانہ روشت ئٹ ہُننگ باز گھناؤنا و وے برداشت مروکو عمل ئسے۔
