بلوچستان کے علاقے سبی میں جنگل سے ایک لاش برآمد ہوگئی ہے جبکہ بیلہ میں روڈحادثے سے ایک شخص ہلاک ہوگیا۔
سبی کے قریبی گاؤں مرغزانی جنگل سے ایک 22سالہ نوجوان کی لاش بر آمد ہوگئی ہے۔
جس کی شناخت ولید کے نام سے ہوگئی ہے۔
پولیس کے مطابق سبی کے علاقے گاؤں مرغزانی کے جنگل میں نامعلوم افراد نے فائرنگ کرکے 22سالہ نوجوان ولید کو قتل کردیا ہے۔
اطلاع ملنے پر پولیس جائے وقوعہ پر پہنچ گئی اورلاش کو قبضے میں لیکر سول ہسپتال سبی منتقل کردیا۔
ضروری کارروائی کے بعد ورثا کے حوالے کردیا گیا ہے۔
واقعے کی تفتیش سٹی پولیس سبی کررہی ہے تاہم قتل کے محرکات سامنے نہیں آسکے۔
