لندن:امریکی قانون سازوں کوامریکی کیپیٹل میں ایک ہلاکت خیز بغاوت کے ساتھ شروع ہونے والے ایک سال میں اپنے خلاف دھمکیوں کی تعداد میں تیزی سے اضافہ دیکھنے میں آیا ہے اور یہ خدشہ بڑھ رہا ہے کہ ایسا رجحان جاری رہے گا۔دی گارڈین نے ایک حالیہ رپورٹ میں کہا ہے کہ کانگریس کے ایک ریپبلکن رکن پال گوسر کی جانب سے ایک تبدیل شدہ اینی میٹیڈ ویڈیو شیئر کرنے کے بعد، جس میں ا نہیں کانگریس کی ڈیموکریٹک خاتون الیگزینڈریا اوکاسیو کورٹیز کو قتل کرتے ہوئے اور امریکی صدر جو بائیڈن پر ہفتوں قبل حملہ کرتے ہوئے دکھایا گیا ہے، تینوں ریپبلکن اراکین کے علاوہ باقی تمام اراکین نے اس کی مذمت کرنے اور اس کی کمیٹی کی ذمہ داریوں سے دستبردار ہونے کے خلاف ووٹ دیا۔رپورٹ میں کہا گیا ہے کہ گوسر کے واقعے نے امریکی سیاست میں ایک تشویشناک رجحان میں تازہ ترین ڈیٹا پوائنٹ کے طور پر کام کیاہے، جبکہ واضح کیا گیا ہے کہ گوسر کے رویے پر ریپبلکنز کے خاموش ردعمل نے آنے والے مہینوں کے دوران امریکہ میں مزید سیاسی تشدد کے امکان کے بارے میں خدشات مزید بڑھادیئے ہیں۔اس رپورٹ میں کہا گیا ہے یہ سائیکل پہلے ہی کانگریس کے ہالوں میں چل رہا ہے، جبکہ اس سال کی ایک ابتدائی رپورٹ کا حوالہ دیتے ہوئے کہا گیا ہے کہ امریکی کیپیٹل پولیس(یو ایس سی پی)نے سال 2020 کے مقابلے میں کانگریس کے ارکان کے خلاف خطرات میں 107 فیصد اضافہ دیکھا ہے۔امریکی کیپیٹل پولیس کے سربراہ ٹام مینگر کا حوالہ دیتے ہوئے کہا گیا ہیکہ وہ توقع رکھتے ہیں کہ رواں سال اراکین کے خلاف دھمکیوں کی کل تعداد 9 ہزار سے تجاوز کرجائے گی، جبکہ 2017 میں اس طرح کی دھمکیوں کی تعداد 3 ہزار 939 تھی۔رپورٹ میں واضح کیا گیا ہے کہ ان میں سے کچھ دھمکیاں حال ہی میں واضح طور پر دکھائی دے رہی ہیں، جس میں سیہاس کے13 ریپبلکن جنہوں نے نومبر کے اوائل میں دو طرفہ انفراسٹرکچر بل کی حمایت میں ووٹ دیا تھا، انہیں دھمکی آمیز پیغامات موصول ہوئے تھے۔
Share this:
