*دشت: چوٹ ءَ پاکستانی لشکر ءِ چوکی ءِ سر ءَ سلاہ بنداں اُرش کتگ*
Oct 21, 2021
کیچ ءِ دمگ دشت ءَ لشکر ءِ چوکی نشانگ کنگ بوتگ-
گیشیں ھالانی رِد ءَ دیگر ءِ وھد ءَ سی پیک دگ ءِ نزیک ءَ دشت ءِ دمگ چوٹ ءَ زونگ ٹاور ءِ سر ءَ برجاھیں پاکستانی لشکر ءِ چوکی ءِ سر ءَ سلاہ بنداں اُرش کتگ-
ھالکارانی رِد ءَ سلاہ بنداں راکٹ ءُ وتکاریں سلاھانی گون ءَ لشکر ءِ چوکی نشانگ کنگ اُرش ءِ پسّہ ءَ داں دیراں پاکستانی لشکر ءَ مارٹر گولہ آس داتگ ءُ تیرگواری کتگ وھدیکہ تربت ءَ چہ پاکستانی لشکر ءِ کاروانے جنگجاہ ءَ سربوتگ-
اُرش ءِ آسر ءَ پاکستانی لشکر ءَ تاوان ءِ ھال اِنت وھدیکہ اُرش ءِ زمہ واری انگت ھچ گل ءَ نہ زرتگ-