پنجگور، قلات ( نامہ نامہ نگار ) بلوچستان کے ضلع پنجگور سے اطلاعات موصول ہوئی ہیں کہ پاکستانی فورسز نے عیسیٰ تاناپ کے علاقے میں ایک گھر پر چھاپہ مار کر باپ اور بیٹے کو حراست میں لینے کے بعد لاپتہ کردیا ہے۔
مقامی ذرائع کے مطابق، حراست میں لیے گئے افراد کی شناخت عبدالقادر اور امجد کے ناموں سے ہوا ہے۔ بتایا جا رہا ہے کہ فورسز نے گزشتہ شب علاقے میں کارروائی کرتے ہوئے مذکورہ افراد کے گھر کا محاصرہ کیا اور دونوں افراد کو اپنے ساتھ لے گئی۔ جس کے بعد سے عبدالقادر اور امجد کا کوئی پتہ نہیں چل سکا۔
بلوچستان میں جبری گمشدگیوں کے واقعات طویل عرصے سے انسانی حقوق کی تنظیموں کے لیے تشویش کا باعث ہیں۔ مقامی اور بین الاقوامی ادارے متعدد بار مطالبہ کر چکے ہیں کہ ایسے واقعات خاتمہ کیا جائے۔
دریں اثناء قلات: نماز کیلئے جانے والا نوجوان جبری لاپتہ۔
قلات میں مزدوری کرنے والے نوجوان عبدالناصر ولد عبدالخالق سکنہ کھڈکوچہ، مستونگ کو پاکستانی فورسز نے گیارہ اکتوبر کو قلات کے علاقے کوہنگ سے اس وقت جبری طور پر لاپتہ کردیا جب وہ صبح کی نماز پڑھنے جارہا تھا۔
تین دن گزرنے کے باوجود نوجوان کے حوالے سے کوئی خبر نہیں ملی ہے۔
حکام نے بھی اس حوالے سے تاحال کوئی موقف پیش نہیں کیا ہے۔