چمن ( نامہ نگار) ضلع چمن کے باب دوستی بارڈر اسٹینڈ کے قریب ایک زوردار دھماکے 6 افراد جاں بحق جبکہ ایک شخص زخمی ہوگئے ہیں ۔ اسسٹنٹ کمشنر چمن امتیاز بلوچ کا کہنا ہے کہ بارڈر ٹیکسی اسٹینڈ پر ہونے والے دھماکے میں 6 افراد جاں بحق اور 3 زخمی ہوگئے ہیں۔ جاں بحق افراد کی لاشوں اور زخمیوں کو ڈی ایچ کیو اسپتال منتقل کردیا گیا۔انہوں نے بتایا کہ بارودی مواد مسافروں کے سامان میں رکھا گیا تھا۔ محکمہ داخلہ بلوچستان کے مطابق جائے وقوعہ کو فورسز نے گھیرے میں لے لیا ہے، دھماکے کی نوعیت اور محرکات جاننے کے لیے تحقیقات جاری ہے۔