اوتھل ( مانیٹرنگ ڈیسک )اوتھل قومی شاہراہ پر زیرو پوائنٹ کے قریب ایک افسوسناک ٹریفک حادثہ پیش آیا جس میں کار کی ٹکر اونٹ سے ہونے کے باعث ایک شخص جاں بحق ہو گیا، جبکہ گاڑی میں سوار دو دیگر افراد معجزانہ طور پر محفوظ رہے۔
حادثے میں جاں بحق ہونے والے شخص کی شناخت *محمد مراد ولد نبی بخش بلوچ ساکن پنجگور کے نام سے کی گئی ہے۔ نعش کو فوری طور پر *سول اسپتال اوتھل منتقل کر دیا گیا۔
حادثے کی اطلاع ملتے ہی چیئرمین ڈسٹرکٹ کونسل سردار عبدالرشید پھورائی، ایدھی انچارج ڈاکٹر عبدالحکیم لاسی، اور ہیڈ محرر اوتھل تھانہ محمد ہاشم شاہوک* اسپتال پہنچے اور لواحقین سے اظہار تعزیت کیا۔
یہ حادثہ قومی شاہراہ پر جانوروں کی موجودگی سے پیدا ہونے والے خطرات کی ایک اور افسوسناک مثال ہے، جس پر فوری حفاظتی اقدامات کی ضرورت ہے۔