کوئٹہ ( مانیٹرنگ ڈیسک )بلوچستان
کیچ کے علاقے دشت ملائی نگور زرین بُگ سے وسیم حمزہ نامی شخص کو پاکستانی فورس نے حراست میں لے کر جبری گمشدگی کا شکار بنا دیا ،جبکہ عاقل جلیل بلوچ کو آج ضلع پنجگور کے علاقے وشبود سے پاکستانی فورسز نے جبری لاپتہ کردیا۔
دریں اثنا ڈیرہ بگٹی سے 5 جنوری کو ایف سی کے ہاتھوں سوئی شہر سے جبری گمشدگی کا شکار ہونے والے اشرف ولد بھورا خان بگٹی اور پتو خان ولد سراج بگٹی گزشتہ دنوں بازیاب ہوکر اپنے گھر پہنچ گئے ہیں۔
مزید برآں ایاز اور راہو بگٹی جس کو 26 دسمبر 2024 کو پاکستانی فوج نے ڈیرہ بگٹی سے جبری گمشدگی کا نشانہ بنایا تھا، گزشتہ رات بازیاب ہوکر اپنے گھر پہنچ گیا ہے۔