کوئٹہ ( ویب ڈیسک ) بلوچستان ہرنائی پاکستانی فورسز نے جمعہ خان مری ولد خان گل مری سکنہ غریب آباد تحصیل ہرنائی کو گزشتہ ماہ 13 فروری کو ہرنائی بازار سے حراست میں لینے کےبعد جبری لاپتہ کردیا۔
بتایا جارہاہے کہ جمعہ خان مری کو 2013 اور 2017 میں بھی فورسز نے جبری لاپتہ کیا تھا، لواحقین کا کہنا ہے کہ وہ جمعہ خان مری کی جبری گمشدگی کی ایف آئی آر درج کروانے کےلیے تین بار متعلقہ تھانہ گئے لیکن پولیس ایف آئی آر درج نہیں کررہی ہے۔
علاوہ ازیں ضلع گوادر میں دشت کے رہائشی باسط ولد ابراھیم پاکستانی فورسز ہاتھوں رواں ہفتے ہفتہ کے روز جبری لاپتہ ہوگیا ۔
بتایا جارہاہے کہ وہ مزدوری کرنے گوادر آیا تھا کہ انھیں لاپتہ کیاگیا۔
دریں اثناء تربت کے علاقے آسکانی بازار سے ایک نوجوان پاکستانی فورسز ہاتھوں جبری لاپتہ ہوگیا ۔
اہلخانہ کےمطابق گزشتہ رات تربت کے علاقے شاہ آباد آسکانی سے زباد ولد رشید سکنہ ڈنڈار کولواہ کو سیکورٹی اداروں نے شاہ آباد جحام کی دکان سے اٹھاکر لاپتہ کردیاہے ۔