بلوچستان لبریشن فرنٹ کے ترجمان میجر گہرام بلوچ نے میڈیا کو بیان جاری کرتے ہوئے کہا کہ سرمچاروں نے گزشتہ روز 12 بجے جھاؤ کے علاقے نونڈڑہ ڈل شہر میں واقع پاکستانی فورسز پر حملہ کر کے ایک اہلکار کو ہلاک اور متعدد کو زخمی کیئے۔
انہوں نے کہا ہے کہ بی ایل ایف کے اسنائپر ٹیکٹکل ٹیم نے 20 فروری کی دن بارہ بجے قابض پاکستانی فورسز کے کیمپ کے باہر اہلکاروں پر حملہ کرکے ایک فوجی اہلکار کو ہلاک کیا اور بعد میں جدید ہتھیاروں سے فوجی کیمپ کو حملے میں نشانہ بنایا جس کے نتیجے میں متعدد اہلکار زخمی ہوئے۔
انہوں نے کہا ہے کہ ایک اور حملے میں سرمچاروں نے آج گیارہ بجے کے قریب خاران بازار کے مرکزی چوک پر ریاستی خفیہ اداروں کے اہم کارندے رسول بخش ببار ولد عبداللہ کو فائرنگ کرکے ہلاک کردیا۔
ترجمان نے کہا ہے کہ بی ایل ایف کے انٹیلیجنس ونگ کے ساتھی گزشتہ کئی ماہ سے مذکورہ کارندے کی نقل و حرکت پر نظر رکھے ہوئے تھے، جو خاران بازار میں بھیس بدل کر ٹوپیاں فروخت کر رہا تھا۔
انہوں نے کہا ہے کہ بی ایل ایف قابض پاکستانی فوجی اہلکار اور ریاستی خفیہ اداروں کے اہلکار کی ہلاکت کی زمہ داری قبول کرتی ہے اور اس عزم کا اعادہ کرتی ہے کہ بلوچستان کی آزادی تک قابض فورسز کو نشانہ بناتے رہیگی۔