بلوچستان مختلف واقعات میں 2 افراد ھلاک، 3زخمی

بلوچستان کے مختلف اضلاع میں پیش آنے والے حادثات واقعات میں 2 افراد ھلاک 3 زخمی ہوگئے ۔ 

بلوچستان کےدارلحکومت شال میں نامعلوم مسلح افراد کی فائرنگ ایک شخص کو قتل کردیا اور فرار ہوگئے، نعش ضروری پوسٹ مارٹم کےلئے سول ہسپتال منتقل کردیا گیا -

ادھر ضلع خضدارکے تحصیل زہری زیک کے مقام پر نامعلوم افراد کا گاڑی پر فائرنگ ندیم احمد ولد علی محمد نامی شخص زخمی ہوگئے جسے ہسپتال منتقل کردیا گیا، پولیس نے حملہ آوروں کی تلاش شروع کردی ہے-

دوسری جانب ژوب گزشتہ شب مینا بازار کے قریب مزغار عبداللہ زئی لیویز کے علاقے میں مسلح ڈاکوؤں نے تشدد کرکے ٹریکٹر ڈرائیور شمس اللہ کو زخمی کر کے نقدی اور ٹریکٹر ٹرالی چھین کر فرار ہو گئے-

دریں اثناء لورالائی سگھر شیخان میں کرنٹ لگنے سے مومن خان ولد زرغون نامی شخص ہلاک ہوگیا انتظامیہ کے مطابق مذکورہ شخص ٹرانسفر چوری کررہا تھا کہ اس وقت اسے کرنٹ لگی، لاش لواحقین کے حوالے کیا گیا ۔