شال زرغون، کیچ مزنبند میں فوجی آپریشن جنگی ہیلی کاپٹر بھی حصہ لے رہے ہیں

مقبوضہ بلوچستان کے علاقوں شال زرغون اور کیچ مزنبند کے پہاڑی علاقوں میں پاکستان فوج آپریشن کررہی ہے۔ جہاں گن شپ ہیلی کاپٹر سمیت کمانڈوز حصہ لے رہے ہیں۔ اطلاعات ہیں کہ شال زرغون و ملحقہ علاقوں میں آج صبح سے پاکستان فوج نے آپریشن کا آغاز کیا ہے ۔ علاقائی ذرائع کے مطابق پانچ کے قریب گن شپ ہیلی کاپٹروں نے مختلف مقامات پر شیلنگ و بمباری کی۔ ذرائع کا کہنا ہے کہ کئی گھنٹوں تک شیلنگ و بمباری جاری رہی جبکہ مختلف مقامات پر کمانڈوز بھی اتارے گئے ہیں ۔ دریں اثناء ضلع کیچ میں تمپ و دشت کے درمیانی پہاڑی سلسلے مزن بند میں گذشتہ رات سے پاکستان فوج کی پیش قدمی کا آغاز ہوا جہاں آج صبح فوج کے پیدل دستے علاقے میں داخل ہوئے جبکہ انہیں ہیلی کاپٹروں کی کمک حاصل تھی۔ عینی شاہدین کا کہناہے مرزائی کلگ اور غریبو ندی میں فورسز نے خیمہ لگاکر بیٹھ گئے ہیں ۔ جنھیں ہیلی کاپٹروں کے زریعے راشن بھی پہنچائی گئی ہے ۔ آپریشنوں کے باعث تاحال جانی و مالی نقصانات کے حوالے سے کسی قسم کی معلومات نہیں مل سکی ہیں اور نہ ہی حکام نے اس حوالے سے تفصیلات فراہم کئے ہیں ۔