بولان : جتا جتائیں پاکستانی لشکر ءِ لشکر کشی برجاہ اِنت، پہ کمک ءَ جنگی بالیگ ھم ترّ ءُ گرد کنگ ءَ اَنت۔
بنشون ءِ رد ءَ مرچی سھب ءَ زورگریں پاکستانی لشکر ءَ بولان ءِ ھند تاوے، ھنھوں، جری شم، زرگوں ڈَک ءَ لشکر کشی بندات کرتگ ھمے ھنداں جنگی بالیگ ھم ترّ ءُ گرد کنگ ءَ اَنت۔
ھندی بنشون ءِ رد ءَ پاکستانی لشکر مرچی سھب ءِ ادار شش ءَ پد زمینی لشکر بازیں کچے ءَ ھمے کوھانی تہ ءَ پترتگ۔ رند ءَ پہ آیانی کمک کنگ ءَ بازیں جنگی بالیگے ھمے کوھانی نیمگ ءَ شُتگ ءُ ترّ ءُ گرد کنگ ءَ اَنت۔ ھمے تُرس ودی بیتگ کہ پاکستانی لشکر ھمے کوھاں وتی زوراکی ءَ برجاہ داریت۔ انگت دگہ جانی تاوان ءُ آوارجنی ءِ ھال نیست۔
