پاکستانی فورسز کے ہاتھوں ہوشاپ سے جبری گمشدگی کا شکارہونے والی بلوچ خاتون نور جان سمیت بلوچ طلبا کی جبری گمشدگیوں کیخلاف آج بروز بدھ کولندن میں ایک احتجاجی مظاہرہ ہوگا۔
احتجاجی مظاہرہ بلوچ نیشنل موومنٹ (بی این ایم) برطانیہ زون کے زیر اہتمام ہوگا۔
بی این ایم کی جانب سے جاری کردہ اطلاعات کے مطابق بلوچ خواتین اور طلبا کی جبری گمشدگیوں کیخلاف احتجاجی مظاہرہلندن کے ٹیوب سٹیشن (ویسٹ منسٹر) میں دوبجے سے چار بجے تک ہوگا۔
واضع رہے کہ پاکستانی سیکورٹی فورسز نے گذشتہ دنوں نورجان بلوچ کو ان کے گھر پر چھاپہ مارکرحراست بعد جبری طور پر لاپتہ کیا تھا جس کے ردعمل میں دو دنو ں سے ہوشاپ میں سی پیک روڈ پر علاقہ مکین دھرنا دیئے بیٹھے ہیں اور ہر طرح کی آمدو رفت بند ہے۔
جبکہ آج سی ٹی ڈی پولیس نے نور جان کو تربت میں انسداد دہشتگردی کی عدالت میں پیش کردیا ہے اور اس پرا لزام لگایا ہے کہ وہ غیر ملکیوں کو نشانہ بنانے کیلئے خود کش حملے کا منصوبہ بنا رہی تھی۔
سیکورٹی فورسز یہ دعویٰ بھی کر رہی ہے کہ نور جان کے ساتھ شائنہ نامی ایک اور خاتون کو بھی حراست میں لیا گیا ہے اور ان کے پا س خودکش جیکٹ اور دیگر دھماکا خیز مواد برآمد ہواہے۔
سی ٹی ڈ ی نے دعویٰ کیا ہے کہ نور جان کا تعلق بی ایل اے کے مجید بریگیڈ سے ہے۔لیکن دوسری طرف بلوچ سیاسی و سماجی حلقوں نے فورسز کے ان تمام دعوؤں کو مسترد کردیا ہے۔
نور جان بلوچ کی جبری گمشدگی کیخلاف آج تربت میں مکمل شٹر ڈاؤن ہڑتال
