ضلع کیچ ءِ تھسیل دشت ءَ پاکستانی لشکر ءَ بیڑبرتگ ءُ زوراکی کنان ءَ بیڑبرتگ ءُ مردم لٹ ءُ شاپ کتگ اَنت لوگانی مڈی برتگ اَنت -
اِھوالکارانی رِد ءَ گوستگیں شپ ءَ دشت ءِ دمگ کاشاپ ءَ ساھت یک ءَ پاکستانی لشکر ءِ بالگرداں گشت جتگ ءُ کمو رند کمانڈو ایر داتگ اَنت یک کاروانے ھم اَتکگ ءُ سر بوتگ زوراکی بندات کتگ لوگ پٹ ءُ پول کتگ اَنت لوگانی تہ ءِ سمٹ پروشتگ اَنت ءُ لوگانی کباٹ ءُ دروازگ پروشتگ اَنت لوگانی مردین ءُ جنین چُک دُرست چہ لوگ ءَ درکتگ اَنت ءُ بے کساس ءَ لٹ ءُ شاپ کتگ اَنت لگت جتگ اَنت شھمات جتگ اَنت لھتے وپینتگ ھاکانی سر ءَ لگت جتگ اَنت ءُ کماش کم شرپ کتگ اَنت ءُ کماشانی پادانی دیم ءَ تیر جتگ وشبھتی جانی تاوان نہ بوتگ-
زوراکی ءِ وھد ءَ لشکر ءَ مردمانی دلبند ءَ تُپنگ سک داتگ ءُ گوشتگ ئِے من شمارا کُشاں-
اِھوالکارانی رِد ءَ لوگانی تہ ءِ مردمانی موباھل برتگ اَنت ءُ چری یے ھم لھتے برتگ گوں -
اِھوالکارانی رِد ءَ کاروان ءِ تہ ءَ کرنل ھم گون بوتگ ءُ کرنل مردم سک زاہ ءُ بد کتگ اَنت کم شرپ کتگ اَنت داں شپ ءِ سے ءَ پاکستانی لشکر ساڑی بوتگ ءُ مردمانی سر ءَ زوراکی کتگ اِت-
