نئی دہلی:بھارتی ریاست مدھیہ پردیش میں ایک خاتون نے دو سر والی بچی کو جنم دیا ہے، جسے دیکھ کر ڈاکٹر بھی حیران رہ گئے۔ ملکی خبر رسا ں ادارے کے مطابق بچی کا دوسرا سر پاوں کی طرف ہے لیکن حیران کن بات یہ ہے کہ بچی مکمل طور پر صحت مند ہے۔بچی کے سر کے نچلے حصے میں بال، آنکھیں، ناک، کان پوری طرح سے تیار نہیں ہوئے ہیں صرف نشانیاں نظر آرہی تھیں جبکہ پیدائش کے وقت بچی کا وزن 3.3 کلو گرام بتایا جا رہا ہے۔ڈاکٹر وں نے دو سر والی بچی کی بہتر دیکھ بھال کیلیے چھتر پور ضلع اسپتال منتقل کردیا ہے۔
