مستونگ ( ویب ڈیسک ) بلوچستان میں جبری گمشدگیوں کا سلسلہ جاری، مستونگ کا رہائشی جبری لاپتہ ،پنجگور سے لاپتہ عاقل بازیاب ہوگیا ۔
تفصیلات کے مطابق سلمان ولد غلام مصطفی سکنہ خشین خیر مستونگ دو روز قبل منگچر سے مستونگ واپسی پر پاکستانی فورسز کے ہاتھوں جبری لاپتہ ہوگئے۔
لواحقین کے مطابق سلمان ایک کسان ہے جو منگچر میں اپنے دوست سے ملنے گیا تھا کہ واپسی پر لاپتہ کیا گیا۔
علاوہ ازیں پنجگوروشبود کے رہائشی عاقل جلیل بازیاب ہوکر گھر پہنچ گئے، جنہیں پاکستانی فورسز نے گذشتہ ہفتے جبری لاپتہ کردیا تھا، ان کی بازیابی کیلے لواحقین نے گذشتہ روز پھر دھرنا دیا تھا ۔