کراچی (نامہ نگار ) کراچی میں پولیس نے کارروائی کرکے زنجیروں کی جکڑی لڑکی کو بازیاب اور اس کے ساتھ زیادتی کرنے والے درندہ صفت باپ کو گرفتار کرلیا۔ تفصیلات کے مطابق شہر قائد میں علاقے کورنگی میں پولیس نے کارروائی کرتے ہوئے گھر میں زنجیروں سے جکڑی لڑکی کو بازیاب کرالیا ہے اور ساتھ ہی اس کے ساتھ زیادتی کرنے والے درندہ صفت باپ کو بھی گرفتار کرلیا ہے ۔ ایس پی لانڈھی کے مطابق خفیہ ذرائع سے ملنے والی اطلاعات کے مطابق پولیس نے کارروائی کی اور زنجیروں میں جکڑی لڑکی کو بازیاب کراکے اس کے درندہ صفت باپ کو گرفتار کرلیا ہے۔ بازیاب لڑکی نے بتایا کہ گرفتار شخص ندیم اس کا باپ ہے جس نے اسے قید کرکے رکھا ہوا تھا اور وہ اپنے دو دوستوں کے ساتھ مل کر اس کے ساتھ زیادتی کرتا تھا اور تشدد کا نشانہ بھی بناتا تھا۔ لڑکی کے بیان کے بعد پولیس نے ملزم کے خلاف مقدمہ درج کرکے قانونی کارروائی شروع کردی ہے
