چاغی؛بلو چستان کے ضلع چاغی کی تحصیل چاگیے میں مسلح ڈاکوؤں نے گن پوائنٹ پر ایک شخص سے فیلڈر گاڑی اور موبائل چھین کر فرار ہوگئے۔تفصیلات کے مطابق گزشتہ رات تحصیل چاگیے میں نامعلوم مسلح افرادنے گن پوائنٹ پرعبدالحمید نامی شخص سے فیلڈر گاڑی اور موبائل چھین لئے اور فرار ہو گئے گاڑی ما لک کے مطابق وہ بازار سے اپنے گھر جارہے تھے جب گھر کے مین گیٹ پر پہنچے تو پہلے سے موجود دو مسلح افراد نے ان پر فائر کھول دی جس سے وہ محفوظ رہے لیکن ڈاکو انہیں گن پوائنٹ پر فیلڈر گاڈی سے اتار کرگاڑی اور موبائل چھین کر فرار ہونے میں کامیاب ہوگئے واقعہ پر عوامی وسماجی حلقوں نے گہری تشویش کا اظہار کرتے ہوئے انتظامیہ سے ڈاکوؤں کی گرفتاری اور چھینی گئی گاڑی اور دیگر اشیا برآمد کرنے کا مطالبہ کردیا ہے انہوں نے انتظامیہ سے ان ڈاکووں کا سراغ لگا کر کفر کردار تک پہنچایا جائے۔
Share this:
