کوئٹہ ( بلوچستان ٹوڈے ) بلوچستان کے دارالحکومت کوئٹہ میں جبل نور کے مقام پر گاڑی میں نصب مقناطیسی بم سے پاکستانی فوج کے میجر انور کاکڑ ہلاک ہوگئے ۔
ہلاک میجر پاکستان فوج کے شعبہ اطلاعات آئی ایس پی آر میں تعینات رہ چکے ہیں ۔
واقعے کے بعد فورسز اور خفیہ اداروں نے جائے وقوعہ کو سیل کرکے مزید تفتیش شروع کردی ہے ۔
واقعہ کی ذمہداری بی ایل اے نے قبول کی ہے ۔
بلوچ لبریشن آرمی کے ترجمان جیئند بلوچ نے میڈیا کو جاری بیان میں کہا ہے کہ تنظیم کے خصوصی دستے اسپیشل ٹیکٹیکل آپریشنز اسکواڈ (ایس ٹی او ایس) نے بی ایل اے انٹیلی جنس ونگ “زراب” کی معلومات کی بنا پر کاروائی کرتے ہوئے کوئٹہ میں آئی ای ڈی حملے میں قابض پاکستانی فوج کے میجر انور کاکڑ کو ہلاک کردیا۔
ترجمان نے کہاکہ بی ایل اے اس حملے کی ذمہ داری قبول کرتی ہے، مزید تفصیلات جلد میڈیا کو جاری کی جائیں گی۔