آواران: پاکستانی فورسز کا علاقہ خالی کرنے کا حکم،درجنوں خواتین و بچے ایف سی کیمپ کے نذدیک رہائش کرنے پر مجبور کردیا
*بلوچستان ٹوڈے اردو *
18اکتوبر 2021
اطلاعات کے مطابق آواران کے گاؤں زیارت ڈن کو صبح پاکستانی فورسز نے گھیرے میں لے کر گھروں کی تلاشی شروع کردی، تمام علاقہ مکین بشمول (بچوں اورعورتوں) کو گھروں سے باہر نکال کر مبینہ طور پر تشدد کا نشانہ بنایا -
ذرائع نے بتایا کہ پاکستانی فورسز نے علاقے میں چھاپہ مار کر میر محمد نامی علاقہ مکین کو گھر کے خواتین و بچوں کے ہمراہ زبردستی فوجی گاڑیوں میں گھر کے سامانوں کے ساتھ قریبی ایف سی کیمپ سے منسلک پرانے جھونپڑیوں میں منتقل کردیا ہے - فورسز کے ہاتھوں ایف سی کیمپ منتقل ہونے والے افراد میں پندرہ خواتین بچوں سمیت تیس کے قریب افراد شامل ہیں -